Sathuragiri Shiva Annai Renugadevi social charitable Trust

கழிவு நீக்க முத்திரை!!!

பெரு விரல் நுனியால் மோதிர விரலின் அடிப்பாகத்தை மெதுவாக அழுத்தி பிடிக்கவேண்டும். இதுவே கழிவு நீக்க முத்திரையாகும்.

உடலில் தங்கியுள்ள நச்சுக்கழிவுகளாலேயே உடலில் பெரும்பாலும் நோய்கள் வருகின்றன. எனவே நச்சுகழிவுகளை முதலில் உடலிலிருந்து நீக்கிவிட்டு மற்ற முத்திரைகளை பயிற்சி செய்தால் நல்ல பலன் கிடைக்கும்.

ஆயுர்வேதம், சித்த மருத்துவ முறைகளில் கூட முதலில் நச்சு கழிவு நீக்கத்திற்கே மருந்து கொடுப்பார்கள். பிறகுதான் நோய்க்குரிய மருந்து கொடுப்பார்கள்.அது போல் முத்திரை பயிற்சியில் ஈடுபடுபவர்கள் முதலில் 10 நாட்கள் வரை கழிவு நீக்க முத்திரையை மட்டுமே செய்யவேண்டும்.

இந்த முத்திரையை செய்ய தொடங்கிய ஓரிரு தினங்களில் தாங்க முடியாத நாற்றத்துடன் மலம் மற்றும் சிறு நீர் வெளியேறும். அடிக்கடி சிறு நீர், மலம் கழிக்கத்தோன்றும். உடல் சுத்தமாகத்தொடங்கிவிட்டால் புகை பிடிக்கும் பழக்கம் உள்ளவர்களால் புகை பிடிக்க முடியாது,முயற்சித்தால் வாந்தி வரும். மது அருந்துபவர்களால் மது அருந்த முடியாது. இவையெல்லாம் உடல் சுத்தமாகிக்கொண்டிருப்பதின் அறிகுறிகள்.

இந்த முத்திரையை 30 முதல் 45 நிமிடங்கள் வரை தொடர்ந்து 10 நாட்கள் செய்தால் உடலில் உள்ள நச்சுக்கள் எல்லாம் நீங்கி சுத்தமாகிவிடும்