youtube

26 December 2016

ஸ்ரீ மாருதி க்ருபை உண்டாக

ஸ்ரீ மாருதி க்ருபை உண்டாக

சர்வ கல்யாண தாதாரம்
சர்வ வாபத் நக மாருகம்
அபார கருணா மூர்த்திம்
ஆஞ்சநேயம் நாமம் யஹம்

துஷ்ட க்ரகங்கள் விலக

அஞ்சனா கர்ப சம்பூதம்
குமாரம் பிரம்மச்சாரிணம்  
துஷ்ட க்ரஹ விநாசாய
ஹனுமந்த முபாஸ்மஹே

காரியங்களில் வெற்றி பெற

ஸ்ரீராமதூத மஹாதீர
ருத்ரவீர்ய சமுத்பவ
அஞ்சனாகர்ப சம்பூத
வாயுபுத்ர நமோஸ்துதே

காரிய சித்தி உண்டாக

அஸாத்ய ஸாதக ஸ்வாமிந்
அஸாத்யம் தவ கிம் வத
ராமதூத க்ருபா ஸீந்தோ
மத்கார்யம் சாத்ய பிரபோ

சுருளிமலை அதிசயம்

சுருளிமலை அதிசயம்

உலக அதிசய பாரம்பரிய சின்னங்களில் ஒன்றாக இந்தியாவின் மேற்கு தொடர்ச்சி மலையை யுனெஸ்கோ [unesco] நிறுவனம் அறிவித்துள்ளது.

இந்தியாவின் பருவ கால நிலைகளில் மாற்றம் செய்து மழையை பொழியச் செய்வதில் இதன் பங்கு அளப்பரியது.

மேற்கு தொடர்ச்சி மலை என்பது வட இந்தியாவிலிருந்து தொடங்கி பல்லாயிரம் மைல் அளவில் பரந்து நமது தமிழ்நாட்டின் வழியாக கேரளா வரை அமைந்துள்ளது.

பதினெட்டுச் சித்தர் பெருமக்களும் சங்கம் அமைத்து வாழ்ந்த மலை எனவும்,தென் இந்தியாவின் "கைலாய மலை" எனப் போற்றப்படும் "சதுரகிரி மலை" இதில்தான் அமைந்துள்ளது.இதனுடன் இணைந்து கேரளா எல்லை வரை பரவி தெய்வீக ஆற்றலுடன் விளங்கும் ஒரு மலைதான் "சுருளி மலை" ஆகும்.இம் மலை தேனி மாவட்டத்தில் அமைந்துள்ளது.

சுருளி மலை பற்றிய அதிசய செய்தி ஒன்று சுமார் 25 -வருடங்களுக்கு முன்பு ஒரு வார இதழில் வெளிவந்தது.அதில் உள்ள விபரம் :-

அந்தக் கால அதிசயம் - மர்மக்குகையில் தேவ கன்னிகைகளா ? என்ற
தலைப்பில் வெளியான கட்டுரை விபரம்.

மதுரையில் இருந்து தேனி வழியாக 70 -கிலோ மீட்டர் தொலைவில் கம்பம் பள்ளத்தாக்குப் பகுதில் அமைந்துள்ளது சுருளிமலை.

ஆண்டு முழுதும் தண்ணீர் வற்றாமல் எப்போதும் கொட்டிக் கொண்டி ருக்கும் சுருளி அருவி மிகப் பிரசித்தி பெற்றது.இவ்வளவு நீர் எங்கி ருந்து உற்பத்தியாகிறது என்பது இன்று வரை யாருக்கும் புரியாத புதிர்.

ஒரு குறிப்பிட்ட தொலைவுக்கு மேல் காட்டுக்குள் மனிதர்கள் செல்வ தில்லை கதம்ப வண்டுகள் ஐந்து கொட்டினாலே ஆள் காலி என்கின்ற னர்.

அருவிக் கரையில் இருந்து மூன்று பர்லாங் தொலைவில் “கைலாச நாதர் குகை” உள்ளது.கம்பம் பள்ளத்தாக்கில் வசிக்கும் பெரும்பான்மை இனமான கன்னடம் பேசும் கவுடர்களில் "மார்கழியார்" என்ற பிரிவினர் சில ஆண்டுகளுக்கு முன்னர் தங்களுக்குள் பூசாரி ஒருவரை தேர்ந்தெ டுக்கவும்,சுருளி மலையில் மறைந்துள்ள "கிருஷ்ண பகவானின்" புல்லாங் குழலைக் கண்டு பிடிக்கவும் இங்கு யாகம் வளர்த்து,அன்ன தானம் செய்தனர்.அப்போது பத்து வயது சிறுவனுக்கு சாமி [அருள்] வந்து கைலாசநாதர் குகைக்குள் நுழைந்தாக வேண்டும் என்றான்.

அனைவரும் அதிர்ச்சி அடைந்தனர்.குகைக்குள் நுழைவது அத்தனை சுலபமல்ல.கும்மிருட்டு விஷ ஜந்துக்கள் இருக்கலாம்,மேலும் நிமிர்ந்த நிலையில் உள்ளே புக முடியாது.! படுத்த நிலையில் தவழ்ந்துதான் போக வேண்டும்.எனவே சிறுவன் கையில் ஒரு அகல் விளக்கை கையில் பிடித்தபடி தவழ்ந்து சென்றான்.சுமார் ஒரு மணி நேரம் கழித்து வெளியே வந்து அவன் சொன்ன செய்திகள் அனைவரையும் வியப்பில் ஆழ்த்தின.

உள்ளே மிகப்பெரிய அரங்கம்.ஒளி உமிழும் உருண்டைகள் ஆங் காங்கே கல் தூண்களின் நுனியில் பொருத்தப் பட்டிருந்தனவாம்.திரு நீற்றில் புரண்டு எழுந்தார் போல் வெண்மையான உடலும்,நீண்ட தாடியும் கொண்ட முனிவர்கள் கல் ஆசனங்களில் அமர்ந்து தேவ கன்னிகளின் நடனத்திற்காக காத்திருந்தார்களாம்.

மற்றொரு அதிசயச் செய்தி இருப்பதாகவும்,அது "தேவ ரகசியம்" என்றும் அந்த சிறுவன் கூறினான்.

சுருளி மலையில் உள்ள அருவியிலிருந்து மேற்கே சுமார் ஐந்தாறு மைல்களுக்கு அப்பால் தான் கேரளா,தமிழ் மாநிலங்களுக்கு தீராத பிரச்சினையாக இருந்து வரும் “கண்ணகி கோயில்” [மங்கள தேவி கோட்டம்] உள்ளது.

மதுரையை எரித்த கையோடு தலைவிரி கோலமாக நடந்து வந்த கண்ணகி இந்த அருவியில் நீராடி புஷ்பக விமானம் ஏறிச் சென்றதாக கூறுகிறார்கள்.

ஓம் என்பதன் அறிய விளக்கம்

ஓம் என்பதன் அறிய விளக்கம்
ஓம் என்பது பிரபஞ்சத்தில் இருந்து வரும் சப்தமாகும் பூமி சுத்தும் போது எழும்பும் ஒலி அலைகள் ஆகும். இது தான் பிரபஞ்சத்தையே இயக்குகிறது. மும்மூர்த்திகளை படைத்த பராசக்தி ஓம் காரத்தில் இருந்து தோன்றினால் என்று வரலாறு கூறுகிறது.மேலும் பிரம்மா ஒம் காரத்தை வைத்து தான் உலக ஜீவன்களை படைக்கிறார் .

ஓம் என்பதற்க்கு பிரணவம் என்று பொருள், பிரணவம் என்றால் முடிவில்லாதது என்று கூறுவார்கள்.

இந்த ஓம் என்பதை வைத்து தான் மந்திரம் தொடங்கப்படுகிறது ஏனென்றால் இதுதான் பிரபஞ்ச த்தின் சாவி இதை உச்சரித்து கூறும்போது அந்த சொல் வலிமை அடைகிறது.

ஓம் என்பதை பிரித்தால் அ காரம் உ காரம் ம காரம்

அ காரம் என்பது சிவம்   எண் : 8 இடம் : வலதுகண்  சூரியன்

உ காரம் என்பது சக்தி (பார்வதி) எண் : 2 இடம் : இடதுகண் சந்திரன்

ம் காரம் என்பது இரண்டும் சேர்ந்தது  எண் : 0 இடம் : புருவமத்தி  சுலுமுனை

ஏதாவது வேலை தாய் கொடுத்தால் மகன் மறுத்தால் ரெண்டு எட்டு வைத்தால் முடுந்துவிடும் என்பார்கள். அதாவது ரெண்டும் எட்டும் வைத்து(ஓம் என்ற சொல்லை வைத்தோ, ஓம் என்பதை புருவ மத்தியில் தியானித்து)  தொடங்கினால் வேலை முடிந்தது. இதையே தான் சுலுமுனை சித்தரும் கூறினார்.இதன் கூறும் முறையை முந்தைய பதிவில் கண்டிருப்பீர்.

ஓம் என்பது பிரணவம் இதற்கு அப்புறம் தான் தெய்வத்தின் பெயர் தோன்றும்.

ஓம் சரவணபவ

ஓம் கம் கணபதியே நம

ஓம் சக்தி ஓம்

ஓம் சிவசிவ ஓம்

ஓம் நமோ நாராயணா

ஓம் என்ற பிரணவத்தை அடுத்து பிரணவ பெயர் வரக்கூடாது இது கட்டாயம்.

ஓம் என்பதற்கு இணையான தெய்வ பெயரும் உள்ளது அதற்கு முன் ஓம் என்று போடக்கூடாது

நமசிவய

நமசிவய என்பது பஞ்சாட்சரம் இது 51 அட்சரங்களை கொண்டது அதனால் இதை தனியாகத்தான் கூறவேண்டும்.

ஓம் நமச்சிவாய என்பது ஒலி வேறு இதன் முன் ஓம் போடலாம்.  இது நமசிவய க்கு நிகரானது தான் ஆனால் இங்கு வ க்கு வா வருவது,ச் வருவது சுட்டிகாட்டவேண்டியது

ராம்

இது ராமபிராணுடைய பெயர் இது பிரணவத்திற்கு இணையானது அதனால் தான் ஓம் ராமா என்று கூறமறுக்கிறார்கள்.வைணவத்தில் இது பற்றி குறிப்பு உள்ளது

உமா

இதுவும் பிரணவத்திற்கு இணையானது உமா வை பிரித்தால்  உ + ம் + அ என்பதாம்.இங்கு ஓம் என்பது பின்நோக்கியுள்ளது
அதனால் தான் உமாமகேஷ்வரா என்பார்கள்.

முஸ்லீம் மதத்தினர் அல்லஉ அக்பர் என்பார்கள்
அ ல்லா உ என்பது பிரணவம் அதாவது அ உ

கிறிஸ்துவர்கள்  ஆமென்  என்பார்கள்  அதை எப்பொழுதும் கூறுவார்கள்.தொடக்கத்திலும் சரி பிரசங்க முடிவிலும் சரி

ஆமென்   என்பது முன்பு ஆங்கிலத்தில்  om en என்றது  இதை சேர்த்தால் சாத்தானுக்குரிய (omen)சொல்லாக மாறியது, அதனால் OAMen என்றார்கள். இதில் ஓம் என்பது மறைந்துள்ளதை கண்டிர்கள். அதாவது O+A = AU  ( Aum) இதை அப்போதே அவர்கள் கண்டதால் Amen என்ற எழுத்து வடிவம் கொடுத்தார்கள். ஆனால் சொல் ஓம் க்கு தான் சொந்தம்.
 O     சாத்தானுக்கு
 A     கடவுளுக்கு   என  வகுத்ததாக  தெரிகிறது....

22 December 2016

தோஷங்களைத் தீர்க்கும் வன்னிமரம்

தோஷங்களைத் தீர்க்கும் வன்னிமரம்

தமிழ்நாட்டில் பல பழமையான சிவன்கோயில்களில் தல விருட்சமாக வன்னிமரம் உள்ளது. விருத்தாசலத்தில் உள்ள விருத்தகிரீஸ்வரர் கோயிலிலும், திருவான்மியூர், வியாசர்பாடி, மேலைத் திருக்காட்டுப் பள்ளி, திருப்பூந்துருத்தி, திருச்சாட்டியக்குடி முதலிய இருபதிற்கும் மேற்பட்ட சிவன்கோயில்களிலும் தல விருட்சமாக வன்னி மரம் உள்ளது. வில்வத்திற்கு அடுத்தபடியாக அதிக கோயில்களில் தல மரமாக உள்ளது வன்னியே ஆகும்.

பெருமைகள் வாய்ந்த வன்னி மரத்தின் சிறப்புகள், மருத்துவ குணங்கள்: வன்னிமரம் என்றாலே விருத்தாசலம் என்ற ஞாபகம்தான் வரும். விருத்தாசலம் விருத்தகிரீஸ்வரர் கோயிலில் பழமையான வன்னி மரம் உள்ளது. இந்த மரத்தின் இலைகளைப் பறித்துப் பங்கிட்டு தான் இந்த கோயிலையே கட்டி இருக்கிறார்கள்! எப்படி? முன்னொரு காலத்தில் விபசித்தி முனிவர் என்று ஒருவர் இருந்தார். அந்த முனிவர், தான் இருந்த இடத்திலேயே கோயிலைக் கட்டி விட்டு ஜீவ சமாதியும் அடைந்தார். அவர் கோயிலைக் கட்டும் வேலையாட்களுக்கு வேலை முடிந்த ஒவ்வொரு நாளின் மாலையிலும் வன்னி மரத்தின் இலைகளைப் பறித்துக் கூலியாக அளிப்பாராம். வியர்வை சிந்திக் கடுமையாக உழைத்தவர்களுக்கு முனிவர் அளித்த வன்னி இலைகள் பொன்னாக மாறுமாம். உழைக்காமல் ஏமாற்றிக் கொண்டிருந்தவர்களுக்கு இலைகளாகத் தான் இருக்குமாம். இந்தச் செய்தி கல்வெட்டுக்களிலேயே உள்ளது.

இராமபிரான் இராவணனை நோக்கிப்ட போர் தொடுக்கப்போகும் முன்பாக வன்னி மரத்தைத் தொட்டு வணங்கிச் சென்றதாகவும், முருகப்பெருமான் வள்ளியை மணப்பதற்காக வன்னிமர வடிவில் காட்சி தந்ததாகவும் ஐதீகம். பஞ்ச பாண்டவர்கள் அஞ்ஞான வாசம் செல்வதற்கு முன்பாக தங்கள் அணிகலன்கள், ஆயுதங்களைப் பெரிய துணியில் கட்டி, வன்னி மரத்தில் மறைத்து வைத்ததாக மகாபாரதம் கூறுகிறது. விஜயதசமியில் துர்காதேவி மகிஷனை அழிக்க வேல் வாங்கும் நிகழ்ச்சி வன்னி மரத்தடியில்தான் நடக்கும். மேற்கண்ட சிறப்புகளைக் கொண்ட வன்னிமரத்தடியில் அமரும் விநாயகப் பெருமானை வன்னி மரத்தடி விநாயகர் என்று சிறப்பாகக் கூறுவார்கள். இவர் இந்த மரத்தில் பஞ்ச பூதங்களில் ஒன்றான அக்னி ஸ்வரூபமாக உள்ளார். வன்னி மரத்தின் இலைகள் விநாயகருக்கும், சனீஸ்வரருக்கும் உகந்ததாகக் கூறுவர்.

"ஓம்" எனும் பிரணவ மந்திரத்தை வெறும்30 நிமிடங்கள் காதால் கேட்டாலே...

"ஓம்" எனும் பிரணவ மந்திரத்தை வெறும்30 நிமிடங்கள் காதால் கேட்டாலே...

உடலில் உயிர் வாயுவான ஆக்சிஜன் அளவு அதிகரிக்கிறதாம்.

கரிமில வாயுவான கார்பன்-டை-ஆக்சைடுவின் அளவும் இரத்தத்தில் லேக்டிக் ஆசிட்டின் அளவும் குறைகிறதாம்.

கல்கத்தாவை சார்ந்த ஒன்பதாம் வகுப்பு மாணவி அன்வெஷா  அங்கே நடந்த அறிவியில் கண்காட்சியில் நிரூபித்து, விஞ்ஞானிகளை வாயடைக்க செய்துள்ளார்.

"ஓம்" எனும் மந்திரத்தை 30 நிமிடங்கள் கேட்டாலே இத்தனை பயன்கள் என்றால்..

அதை தினமும் 30 நிமிடங்கள் வெறும் வயிற்றில் உச்சரித்தால் இன்னும் எத்தனை எத்தனை பயன்கள் தருமோ?? நம் முன்னோர்கள் முட்டாள்கள் அல்லர்.

ஓம் !! ஓம் !! ஓம் !!

அகத்தியர் அருளியது,

பாவங்கள் விலக மந்திரம்-
அகத்தியர் அருளியது,
காணவே யின்னமொரு
சூட்சங்ககேளுகருணையுட
னுலத்தோடிருக்கும்
போதுபூணவே கண்ணாரக்
கண்டபாவம்புத்தியுடன் மனதாரச்
செய்தபாவம்பேணவேகாதாரக்
கேட்டபாவம் பெண்வதைகள்
கோவதைகள் செய்தபாவம்
ஊணவே பலவுயிரைக்
கொன்றபாவம் ஒருகோடி
பாவமெல்லா
மொழியக்கேளகாரப்பா
கருணைவிழி
மனக்கண்ணாலேகாலறிந்து
யோகமதால் அங்லங்கென்றுநேரப்பா
நிலையறிந்து நிலையில்நின்றுநீ
மகனே நூற்றெட்டு
உருவேசெய்தால்வீரப்பா
கொண்டுயிரைக் கொண்டபாவம்வெகுகோடி
பாவமெல்லாம் விலகுந்தான
அகத்தியர் பரிபூரணம் 1200 நூலில்
இருந்துஉங்களின் பாவங்கள் நீங்க ஒரு
சூட்சமத்தை சொல்கிறேன் கேளுங்கள்,
நீங்கள் கருணை உள்ளம் கொண்டவராக இருந்தாலும் யாருக்கும் எந்த பாவமும்
செய்யாதிருந்தபோதிலும் உங்கள்
வாழ்வில் பாவங்கள் சேர்ந்து
கொண்டுதான் இருக்கிறது.
அது எப்படி என்றால் ஒருவன் செய்யும்
பாவச்செயலை கண்டும் அதை
தடுக்காமல் போவதும்( கண்ணாரக்
கண்டபாவம்),
தீய சொற்களையும், தீயவர்களின்
வஞ்சகப்பேச்சுகளை, அவச்சொற்களை
கேட்பது(காதாரக்கேட்டபாவம்) உங்கள்
மனமகிழ்ச்சிக்காக பிறரை
துன்புறுத்துவது(மனதாரச் செய்தபாவம்)
பெண்களை கொடுமைப்படுத்து,
பசுக்களை துன்புறுத்துவதுஓரறிவு முதல்
ஆரறிவு வரையிலான உயிர்களை
கொன்ற பாவங்கள் உங்களின்
முன்னோர்கள் செய்த பாவமென
எத்தனை கோடிப்பாவங்கள் இருந்தாலும்
அவைகள் நீங்க ஒரு சூட்சம
மந்திரத்தைசொல்கிறேன்கேளுங்கள்.
உடல் சுத்தியுடன் சுத்தமான இடத்தில்
மான்தோல் விரித்து (இன்றைய நிலையில்
அது சாத்தியம் இல்லை என்பதால் அதற்கு
நிகர் கம்பளியை விரித்து வடமேற்கு
திசை நோக்கி அமர்ந்துகொண்டு
மூச்சை இடதுபக்க நாசியில் மெதுவாக
இழுத்து அடக்கிக்கொண்டு
மனஓர்நிலையோடு மனதினுள்
ஓம் அங் லங்"
என்ற மந்திரத்தை 108 -உரு செபிக்க வேண்டும். இப்படி செபிப்பதால் உயிரைக்கொன்ற பாவம் முதல் எப்படிப்பட்ட கொடியபாவங்களும்விலகி விடும் என்கிறார் அகத்திய மாமுனிவர்.